Arreta nagusia 1. Nazionaleko taldean izango da. Usurbildarrek Nafarroara egingo dute bidaia larunbatean, Donezteben Errekaren aurka neurtzeko indarrak. Partida 20:00etan jokatuko da, eta klubak zaleei taldearekin batera bidaiatzeko aukera eskainiko die. Autobusa 18:00etan abiatuko da Usurbildik, eta plazak bete arte izango da izena emateko aukera.
Bestalde, Euskal Ligako kadete eta jubenil mailako mutilek urriaren 10ean jokatuko dituzte euren neurketak. Bi taldeek aurkari bera izango dute, Tolosa CF Eskubaloia, eta bi partidak Tolosako Usabal kiroldegian jokatuko dira. Kadeteek 10:00etan ekingo diote norgehiagokari eta jubenilek 12:00etan hartuko dute lekukoa.
Harrobiko infantil taldeek, aldiz, ligaren atarian jarraitzen dute prestaketa lanetan. Datorren astean hasiko dute txapelketa ofiziala eta asteburu honetako lagunartekoak azken probalekua izango dira entrenatzaileentzat. Infantil neskek Leizaran Eskubaloia izango dute aurkari larunbatean Oiardon, goizeko 09:30etan; infantil mutilek, berriz, igandean jokatuko dute Pulpo EK-ren aurka, 12:30ean, hauek baita Oiardo kiroldegian.
Zubiaren eraginez, hainbat taldek atsedenaldia izango dute asteburuan. Jardunaldi honetan ez dute lehiaketa ofizialik jokatuko senior mutilen 2. Territorialak, senior nesken 2. Territorialak, jubenil mutilen Territorialak, jubenil nesken Territorialak eta kadete nesken Territorialak.
Horrela, ohikoa baino agenda laburragoa izango du Usurbil Kirol Elkarteak, baina ez emozio gutxiagokoa. Nafarroako irteerak eta Euskal Ligako taldeen konpromisoek hartuko dute protagonismoa asteburu berezi honetan.