Okerrena da, guduak sortzen dituztenek ez dutela, oro har, aurpegirik ematen. Armadaren atzealdean ibiltzen dira. “Plebea bidaltzen dute, herri xumea, pobreak, kainoi haragia (inoiz ez hobeto esanda), eta beraiek eta ingurukoak, ahal bada, gatazka lekutik urrun ibiltzen dira”. (Mikel Etxebarria) Antzinako lider gerrariek aurpegia ematen zutela diote batzuek.Harritzen naiz. Gaztea nintzelarik eta Altsasun Humanitateak ikasten nituenean, Julio Zesarren “de bello gallico” landu genuen, non Galiako gudua kontatzen duen. Dotore asko idatzitako kronika zazpi tomotan jasota dago. Milaka ordu behar dira horrelako literatura obra bat sortzeko. Diktadore hari ez zitzaion denbora askorik geldituko bere soldaduekin guduan parte hartzeko. Esan zidatenez, Napoleonek ere bere ohoretan armadaren batailak kontatzen pasatzen omen zuen denbora.
Une honetan munduan gerra gatazkak 20tik gora izango dira, batzuk besteak baino mediatikoagoak. Garai klasikoetan bezala, galde diezaiogun geure buruari “cui prodest”, hau da, zeinen mesederako dira? Ziur ezetz gerra jasaten eta sufritzen dutenentzako. Eta baietz armamendua fabrikatzen dutenentzako, gatazkak bizirik mantentzen saiatzen direnentzako, armak saltzen dituztenentzako. Negozio hau ankerra bezain emankorra da.
Luis Aranalde:
"Duela egun gutxi Shimon Peres eta Mahmud Abbasen arteko besarkadaren 10. urtea oroitu zuen Aita Santuak. Begira orain nola dabiltzan Palestina eta Israel. Hori zela eta, honela zioen Frantziskok: “herriek bakea nahi dute, baina zoritxarrez gerrara ohitzen ari dira”
Gatazkak erabakitzen dituztenek borrokatu behar lukete beren artean, kronista batek dioen bezala: “Sar daitezela ring batean eta bietako bat erori edo hil arte aritu daitezela mutur joka eta gainerakook utz ditzatela bakean”. Azken batean, eta balantza batean pertsonen biziak jarriaz, zer axola dio mugen zehaztasunak? Denak dira asmatuak. Inor ez da mundu honetako ondasunen (itsasoak, mendiak, basoak, lurrak eta abar) jabe. Titularra humanitatea da.
Duela egun gutxi Shimon Peres eta Mahmud Abbasen arteko besarkadaren 10. urtea oroitu zuen Aita Santuak. Begira orain nola dabiltzan Palestina eta Israel. Hori zela eta, honela zioen Frantziskok: “herriek bakea nahi dute, baina zoritxarrez gerrara ohitzen ari dira”. Oinezkook gure familiarekin bakean bizi nahi dugu, seme-alabei solidaritatea eta senidetasun baloreak erakutsi erakutsi nahi dizkiegu... Enfrentamenduei ez, beti egoistak eta miserableak baitira. Gerraren eragileak ez dira frontera joaten. Besteak doaz.