Auzoa aztertzeko bi txango egingo dituzte: galdetegian aipatutako gaietan sakonduz, auzoaren azterketa zehatzago bat egitea da asmoa. Lehena abenduaren 2an izango da, ostegunez, 18:00etatik aurrera; bigarrena, berriz, abenduaren 11n, larunbatez, 10:00etatik aurrera. Bi ordu inguruko iraupena izango du txango bakoitzak.
Txango horien bidez Santueneako kale eta txokoak begirada analitikoz aztertu nahi dituzte. Ordu desberdinetan jarri dituzte hitzorduak, egun argiz zein iluntzean egindako ekarpenak jasoko dituztelakoan. Auzoaren aukerak, gabeziak eta puntu kritikoak identifikatzea da helburua, diagnostiko borobilago bat lortze aldera.