Xake ikastaroa egingo dute azaroaren 3an arratsaldeko 18:00etan hasita. Lehen egun horretan bilera egingo dute ikastaroaren ordutegiak behar bezala zehaztu eta taldeak egiteko. Ikastaroak 10€ balioko ditu helduentzat, 7€ elkarteko kideentzat eta 4€ adingabekoentzat.
Azaroaren 6rako, igandez, pottokak eta kanpo jolasak prestatu dituzte haurrentzat. Eskubaloi plazan izango da goizean zehar (11:00-13:00) eta 2€ balioko du sarrerak.
Kosmetika naturala egiten ikasi nahi duenarentzat tailerra ere izango da azaroaren 18an elkartean, arratsaldeko 17:30etan. 10€ balioko du sarrerak, baina elkarteko kide direnentzat 7€ baino ez.
Joan zen urtean arrakasta izan zuen gabonetako gozogintza tailerra birproposatu dute aurten ere. Azaroaren 18an eta 25ean izango dira, biak ostiralez. 17:30etan hasiko da tailerra elkartean egoitzan. 10€ balioko du sarrerak helduentzat, 7€ elkarteko kideentzat eta 2€ adingabekoentzat.
Azkenik, azaroko azken igandean, hilaren 27an, ibilaldia antolatu dute Santuenea eta inguruko bazterrak ezagutzeko. San Estebanetik gorako norantzan egingo dute ibilaldia, baina Ludotekan elkartuko dira goizeko 10:30etan bidea hortik abiatzeko. Arratsaldean, haurrentzako pelikula bat jarriko dute elkarteko egoitzan. Musutruk izango dira bi ekimenok.