Ezin esan asteburuan zehar Santueneko jaietara joan dena gosetuta etxeratu denik. Bi txokolate jan, piper eta sardin dastatzeak, hamaiketako oparoa, auzotarrak bildu dituen bazkaria... Bapo jan eta edateko aukera izan da azken hiru egunotan Santuenean. Gogotik lan egin dute auzokideek ekimenotara hurbildu diren gose eta egarria asetzeko.
Ilara luzeak ikusi ditugu ekimen hauetan guztietan. Zapore ezinhobea zerien festei.
