Martxoaren 24an itxi egin zuten goiz partean, Santuenea Zubietarekin lotzen duen Oria ondoko bidea, Amiriraino. Usurbilgo Udalak ohartarazi zuenez, "bertako lur-jabe batek erortzeko arriskua izan dezaketen zuhaitzak moztu ahal izateko baimena" eskatu zuen. Duela bi igande hasitako lanak amaitzeko, berriz itxiko dute bide-zati hau etzi, apirilaren 7an lau orduz; goizeko 8:00etan hasi eta eguerdiko 12:00ak arte. Ezingo dute bertatik igaro ez oinezkoek, ezta txirrindulariek ezta motordun ibilgailuek ere, Udaletik jakinarazi dutenez.
"Duela bi aste bertako lur-jabe batek erortzeko arriskua izan dezaketen zuhaitzak mozteko baimena izan zuen; lanak goiz bakarrean amaituko zituela uste izan zuen, baina ez zen hala izan. Hori dela eta, bidea berriz ixteko baimena eskatu du igande honetarako, apirilaren 7rako", Udaletik azaldu dutenez.
Santuenea eta Amiri arteko bidea itxita berriz igande goizean
Duela bi igande hasitako lanak amaitzeko itxiko dute berriz Santuenea eta Amiri arteko bide-zatia apirilaren 7an.