Urtarrilaren 22an eta otsailaren 6an egin bezalaxe, astelehen honetan ere itxi egingo dute Santuenea Zubietarekin lotzen duen bide zati bat; Santuenea eta Amiri artekoa hain zuzen. Astelehen gau honetan, 23:00etan itxiko dute bide hau Usurbilgo Udaletik jakinarazi dutenez. Astearte goizaldeko 7:00etan irekiko dutela aurreikusi dute.
Bide hau itxita egongo den denbora tartean, "bertako lur-jabeek errepide ondoko zuhaitzak moztu eta aterako dituzte, eta amaitu bezain pronto irekiko dute bidea", ohartarazi dute Udaletik.
Gogoan izan, aurrez Udalak jakinarazia zuen moduan, bertako lur-jabeek baimena eskatua zutela udalean, "errepide ondoko zuhaitzak moztu eta handik ateratzeko".
Lanok gauez egiten dira, "trafikoari ahalik eta gutxien eragiteko".
Santuenea eta Amiri arteko bidea itxiko dute gaur gauean
Astelehen gau honetan, aipatu herri-bidea itxi egingo dutela ohartarazi du Usurbilgo Udalak.