Ia 840 kilometro hamar usurbildarren artean. Aurrekaririk gabeko marka ezarri zuten herrikideek, estreinakoz apirilaren 12ko asteburuan Santuenean eginiko "Ibai-Ondo Backyard" erronkan. Hamar herritarrek parte hartu zuten, orduero Atallu, Santuenea eta Txokoalde lotutako ibilbidea osatzeko ekimenean. Gogoan izan, norberak nahi edo ahal zuen erritmoan osa zezakeen aipatu distantzia. Kontua, orduero 6,7 kilometroko ibilbidea osatzea zen; Santueneko frontoitik abiatu eta 60 minutu igaro baino lehen gune berera itzultzea, orduero gero, eremu beretik abiatu ahal izateko.
116 lasterkarik parte hartu zuten, inoiz herrian eginiko hitzordurik luzeenean. Izan ere, apirilaren 12ko goizeko 8:00etan hasi zen lasterketa, hurrengo igande gauerdia igaro arte luzatu zen. Azken lasterkariak, eta honenbestez, "Ibai-Ondo Backyard" erronkako garaile Imanol Aleson Orbegozok 41 itzuli eman zizkion ibilbideari. Ia 275 kilometro egin zituen guztira, 40 orduz etenik gabe.
116 parte hartzaileen artean ziren baita hamar herrikide. Aipatu moduan, ia 840 kilometro egin zituzten guztira, haietatik gehienak Asier Otero Martinek; 22 itzuli guztira eta 147 kilometro pasatxo! Aipatzekoa, hamar herrikideon artean emakume baten parte hartzea. Segidan duzue, antolakuntzak helarazitako herrikideen zerrenda:
| Postua | Dortsala | Izen-abizenak | Itzuli kopurua | Kilometro kopurua |
| 8 | 36 | Asier Otero Martin | 22 | 147,532 |
| 22 | 111 | Andoni Fiore Holgado | 17 | 114,002 |
| 24 | 27 | Xabier Aizpurua Intxausti (Zubieta) | 16 | 107,296 |
| 27 | 3 | Luis Ugartemendia Urdanpilleta | 15 | 100,59 |
| 35 | 2 | Moises Andres Zubiria | 14 | 93,884 |
| 40 | 115 | Peru Lizaso Kortajarena | 13 | 87,178 |
| 55 | 122 | Marina Betegon Ruiz | 12 | 80,472 |
| 73 | 25 | Salbatore Arruti Aranburu | 8 | 53,648 |
| 94 | 92 | Cesar de la Fuente Garcia | 6 | 40,236 |
| 99 | 26 | Elur Zaldua Elortza | 2 | 13,412 |