“Santuenea martxan!” aldarripean, bertako kultur elkarteak ikasturte hasiera girotzeko arratsalde pasa antolatu du ostiralerako, irailaren 4rako hainbat ekintzekin. Udazkenean barneratuta, bertso-afaria ere iragarri du urrirako. Hemen dituzue zehaztasunak:
Irailak 4, ostirala
17:00-19:30 Umeentzako pottokak eskubaloi plazan. Parte hartzea: 4 euro (2 eurotan Santuenea KE-ko bazkideek).
18:00-19:00 Jubilatuentzako Maria Arandiaren magia saioa frontoian. Ondoren, luntxa.
20:00 Afari merienda (norberak ekarria). Postrea, Santuenea K.E.-ren kontu.
21:15 Bingo musikala.
Oharra: pintxoak salgai jarriko dituzte.
Urriak 16, ostirala
20:30 Bertso-afaria Santueneako Ibai-Ondo elkartean.
Zehaztasunak:
-Bertsolariak: Maialen Lujanbio, Ane Labaka, Miren Artetxe.
-Gai-jartzailea: Onintza Gartzia.
-Menua: txistorra, bakailaoa saltsan, saiheskia, gazta, irasagarra eta intxaurrak, kafea, kopa.
-Txartelak: 40 eurotan salduko dituzte Esnaola janaridendan.
Antolatzailea: Santuenea Kultur Elkartea.
Jaiak ate joka
Atxegaldeko jaien ondotik, festa giroan murgiltzen hurrengo auzoa Santuenea izango da. Ohi bezala, iraileko hirugarren asteburuan ospatuko dituzte jaiak; hilaren 18tik 20ra. Auzokideak elkartuko dituen bazkari, globo gerra, dastatze saio hainbat, haur jolasak, txapelketak, musika gauak eta hitzordu gehiago prestatu ditu tokiko jai batzordeak.
Arratsalde pasa girotua antolatu du Santuenea Kultur Elkarteak ostiralerako, irailaren 4rako. Auzoko jaiak hilaren 18tik 20ra ospatuko dituzte.