Etxeak hain hurbil dituen azken auzunetakoa da Txokoalde Oriarentzat, itsasora bidean. Goitik pilatutako ur-emariari eustea zailago egiten zaion eremuetako bat, beste behin, gaur izandako uholdeetan ikusi ahal izan dugunez. Izan ere, bereziki auzo honetara errioak zekarren ur-emaria irentsi ezinik heldu da Oria eta gogotik zabaldu da erriberetan barrena goizetik eta eguerditik aurrera, hurbilen zituen etxebizitzen sotoetan.
Auzokideak begira ziren, errioak zekarrenari behatzen aritu dira, goizetik Altzonazko zubitik. Zubi honetatik izugarri hazita eta indarrez zetorren ur-emariaz gain, zuhaitz adarrak, egurrak eta hainbat hondakin igaro dira.
