Galdera zehazteko ardura hartu duen lantaldea hasi da lanean. Anitza da eta herritar orori irekia dago. Erabakia herritarrengan hausnarketa eta partehartzea sustatuz hartu nahi da. Horretarako bi momento aurreikusten dira:
- Otsailaren 17a bitartean: animatu nahi ditugu herritarrak euren galdera proposamena bidal dezaten, bai whatsapp bitartez (Herritzarturen mugikor zenbakira,634 44 55 12), Gure Esku Dago Usurbilek duen helbide elektronikora (usurbilgureeskudago@gmail.com) edo sare sozial bitartez (facebook, twitter).
- Proposamenak jaso eta aztertu ondoren, lantaldeak 2/3 galdera posible adosteko bidea hartuko du.
- Batzar informatibo irekia egingo da (otsailaren azken astean), ikusten diren aukera posibleen berri emateko eta eztabaidatzeko.
- Martxoaren 1etik 12ra herritarrei euren iritzia eskatuko zaie, lantaldeak adostutako 2/3 galdera posibleen artean gustokoen dutena adieraz dezaten. Iritzia jasoko da goian aipatutako bideen bitartez (whatssap, email nahiz sare sozial) eta baita momentuan jarriko diren mahaietan.
- Herritarrengandik jasotako iritziak aztertuko dira eta Talde Sustatzaileak, lantaldeak egindako proposamena kontuan hartuz, behin betiko galdera zehaztuko du.
- Martxoaren 19an ezagutzera emango da Maiatzaren 7ko herri-galdeketan bozkatu beharko dugun galdera zein izango den.