Herritarrak protagonista izango dituen dantzaldi musikala antolatzen ari da Zubietako Jai Batzordea, datozen Santioetarako. Ekitaldia, uztailaren 24an ospatuko da, arratsaldeko 18:30etan Zubietako plazan. Ekimenera banaka edo taldeka aurkeztu daiteke. Taldeka bada, gehienez bost kideez osaturikoa izan beharko du. Emanaldiak epaimahai batek baloratuko ditu eta adinaren araberako hiru sari banatuko dituzte: 12 urte artekoen mailan, Txiki Parken askaria eta festa; 12-19 urte artekoenean, Barazarren afari merienda. Eta 20 urtetik gorakoen artean, asteburua oparituko da nekazal-turismo batean. Dantzaldi musikalean izen emateko epea zabalik egongo da, uztailaren 22ra arte, honako telefono zenbakian: 626 735 354. “Animatu eta parte hartu!” deitzen diete antolatzaileek herritarrei.