Gipuzkoako Mankomunitaterik handienean, San Markon Bilduk izango du gehiengoa. Hala gertatuko da, joan den ostiralean Donostiako Udalean burutu zen legegintzaldi berriko lehen osoko bilkuran San Markorako ordezkaritza erabaki ostean; Bilduko Nora Galparsoro eta PSE-EE-ko Denis Itxaso izan dira hautatuak. Oraindik Urnieta eta Lasarte-Oriako Udaletan zer gertatuko den jakiteke izan arren, Bilduk ziurtatua du gehiengoa San Marko Mankomunitatean, baita Gipuzkoako beste Mankomunitate hauetan ere; Debagoienean, Sasietan, Tolosaldean, Urola Kostan eta Urola Erdian. Aldundia ere Bilduren esku egonik, koalizioak Partzuergoan ere gehiengoa izango du.