Azaroak 29 ditu gaur, hilabeteko azken asteartea, osoko ohiko bilkura burutuko den eguna da beraz. Iluntzeko 18:00etan hasita, udalbatza osatzen duten Bildu, Aralar, Hamaikabat, EAJ-PNV eta PSE-EE-ko udal ordezkariek gai desberdinak ahotan hartu, eztabaidatu eta bozkatu beharko dituzte. Hona hemen, astearte honetan jorratuko duten gai zerrenda:
1-Aurreko bilkuretako akten onespena: 2011/10/21eko bilkurako akta eta 2011/10/26ko bilkurako akta.
2-Atalluko Plan Partzialaren 3. Aldaketa behin betikoz onartzea.
3-Jose Maria Zaldua Urdanpilleta jaunari, Aginagako Sariaundi baserriko egitura eta teilatua eraberritzeko eman baimenean zerga-hobaria aplikatzea.
4-Udalak hilerri berrian hilobien gaineko eskubideak esleitu ahal izateko lote berri baten eskaintza (6. lotea).
5-Energia-politikarako konpromezuak jasotzen dituen "Alkateen Ituna" onartzea.
6-2011. urteko lanpostuen zerrendaren aldaketari hasierako onarpena ematea.
7-Kirol Patronatuko Zuzendaritza Batzordeko kide izendatzea herriko kirol elkarteen ordezkaria.
8-Alkatearen 2011/0996 zenbakidun dekretua berrestea.
9-Alkatearen 2011/1055 zenbakidun dekretua berrestea.
10-Galderak, eskaerak eta mozioak.
10.1-Bildu Udal Taldeak aurkeztutako mozioa: Emakumeenganako Indarkeriaren Aurkako Nazioarteko Eguna (azaroaren 25a).
10.2- Bildu Udal Taldeak aurkeztutako mozioa: Euskal presoen eskubideen alde.
10.3- Bildu Udal Taldeak aurkeztutako mozioa: Euskararen Nazioarteko Egunari (2011/12/3) begira.