Abenduko eta urteko azken osoko bilkura aste honetan bertan burutuko da, ostegunean, abenduaren 22an hain zuzen. Ohiko ordu eta lekuan; 18:00etatik aurrera udalbatza aretoan. Besteak beste, urte berrirako Ordenantza Fiskalak behin betiko onarpena eztabaidatu eta bozkatu beharko dute, Bildu, Aralar, Hamaikabat, EAJ-PNV eta PSE-EE-ko udal ordezkariek. Hemen, gai zerrenda osoa:
1-Aurreko bilkurako aktaren onespena: 2011/11/29ko bilkurako akta.
2-2012ko Ordenantza Fiskalak: erreklamazioak erantzun eta ordenantzak behin betirako onartzea.
3-Usurbilgo Udalaren 2010eko Kontu Orokorra behin betirako onartzea.
4-Gernika ibilbidea, 13 (Maisu etxea) etxeko udal jabetzako 1. eskuina etxebizitza, gutxienez 50 urtez alokairuan izateko konpromisoa.
5-Usurbilgo udal hilerri berriaren erregimen eta funtzionamenduko araudiaren 4. aldaketa.