Hitz Aho Udarregi Ikastolako Guraso Elkarteak familiaren garapen ebolutiboaren inguruan azaroan antolatu zituen tailerrak luzatzea erabaki du. Familiaren eboluzioa, haurraren garapen ebolutiboa, familiaren garapena eta garaian garaiko kezka eta beldurrak, ilusio eta pozak, arriskuak eta indarguneak hizpide zituzten saioek jarraipena izango dute, 2012ko lehen hileotan. Saioak Izar Arregi psikopedagogoak zuzenduko ditu. Hitzorduotan egoteko lehentasuna azaroko tailerretan parte hartu zuten gurasoek izango dute, nahiz Hitz Ahotik berri eman dutenez, gainerako herritarrak ere bertara daitezkeen tailer hauetara. Saioak hain zuzen, HH, LH eta DBH zikloetako ikasleen gurasoei zuzenduak daude. Izen ematea zabalik dago, hitzaho@udarregi.com helbidean.