Errauste plantarik ez dute nahi Nafarroan, eta honenbestez, hondakinak tratatzeko bestelako aukerak aztertu asmo ditu herrialdeko Gobernuak. Modu honetan ezetza eman diote, Europar Batasuneko legedia betetzeko 2010eko hondakinen kudeaketa planean "aukera errealista bakar" gisa aurreikusten zen errausketari. PSN alderdiko idazkari nagusi eta Nafarroako Gobernuko presidenteorde Roberto Jimenezek adierazi duenez, "aukera ekonomikoagoak, gutxiago kutsatzen dutenak eta gizartearen ezezkoa jasoko ez dutenak" ikertzen ari dira. Hondakinak erraustea alternatiba bat ez dela zehazten duen legedi bat ere prestatzeko asmoa du Nafarroako Gobernuak. Modu honetan, herrialdeko Mankomunitateak errausketa ez den bestelako alternatibak bilatzera behartuko lituzkete. 300 milioiko gastua eragingo lukeen egitasmoa baztertu asmo du Nafarroako Gobernuak. Jimenezen esanetan, "kontuan ditugun bestelako aukerek ez dute halako kosturik".