Espainiako Gobernuak onartu berri duen lan erreformaren aurka, sindikatu guztiek greba orokorra antolatu dute martxoaren 29rako. 24 orduko lan uztera deitu dute Hego Euskal Herrian; ELA, LAB, ESK, STEE-EILAS, CGT-LKN, EHNE eta Hiruk. Baita CCOO eta UGT-k ere. Azken bi sindikatuok, hilaren 29rako greba orokorra deitu dute baita, estatu espainiarrean.
Martxoko azken ostegunari begira, sindikatuek lehen mobilizazioak finkatu dituzte jada. Buruntzaldean, ELA-k eta LAB-ek, langileen arteko batzarrak, auto karabanak edota manifestaldiak antolatzekotan dira. Joan den ostiralean, eskualdeko bi sindikatuok eskaini zituzten agerraldi banatan, honako hitzorduok iragarri zituzten datozen asteotarako:
ELA
Martxoak 21, asteazkena
10:00/18:00 Herri batzarra Hernanin, “Buruntzaldeko langile, langabetu, ikasle, erretiratu zein beste edozeinentzako”.
LAB
Martxoak 23, ostirala
19:00 Manifestazioa Lasarten, Okendo plazatik abiatuta.
Martxoak 27, asteartea
Eskualde osoko igaroko den auto karabana, Hernanitik abiatuta.