Atzo abiatu zen Jubilatu Astea, osasun gaiei loturiko, bihotza eta birikei buruz Jose Antonio Arteagak eskaini zuen hitzaldiarekin. Gure Pakea elkartekoek antolaturiko ekimenek gaur izango dute jarraipena; erlaxatzen ikasteko tailerrarekin. Saioa, arratsaldeko 17:00etatik aurrera burutuko da Artzabalen. Silbia Kamiok zuzenduko du. Donostiara irteera, bazkaria edota ipuin kontaketa ere iragarriak daude, igandera arte luzatuko den Jubilatu Aste honetarako. Hona hemen deitu diren hitzorduak:
Martxoak 27, asteartea
17:00 “Erlaxatzen ikastaroa” tailerra Artzabalen, Silbia Kamioren eskutik.
Martxoak 28, asteazkena
9:30 Irteera Donostiara. Bazkaria Kai alde jatetxean. Izen ematea itxita.
Martxoak 30, ostirala
17:00 Ixabel Agirresaroberen ipuin kontaketa saioa Artzabalen.
Apirilak 1, igandea
12:00 Meza.
14:00 Bazkaria Aialde-Berri sagardotegian. Izen ematea itxita.
Antolatzailea: Gure Pakea elkartea.