Aurtengo herriko jaien berri emango duen egitarauaren diseinua, ohi bezala, lehiaketa bidez erabakiko da. Txapelketa martxan da jada, Usurbilgo Udaleko Euskara eta Kultura Departamendutik berri eman dutenez. Diseinu lehiaketan parte hartzeko asmoa dutenek, ekimenaren inguruko informazioa, oinarrien berri, Potxoeneara gerturatuta jaso dezakete. Lanak aurkezteko maiatzaren 25era arteko epea egongo da.
Jai Batzordearen bigarren bilera, datorren astean
Egitaraua diseinatzeko lehiaketa abian den honetan, Santixabelak prestatzeko lanek aurrera jarraitzen dute. Jai Batzordeak bigarren bilerarako hitzordua finkatua da jada; apirilaren 25erako hain zuzen, 18:30etan Potxoeneako goiko aretoan.