Europa mailako zero zabor mugimenduak, Zero Waste Europek, maiatzaren 11, 12 eta 13rako kongresua antolatu du Donostian. Hondakinen kudeaketaren gaia, eta zero zabor bidea hizpide izango duten hainbat ekitaldi programatu dituzte. Besteak beste, partaideak Usurbilgo atez ateko bilketa ezagutzera etortzekotan dira. Gainera, larunbat eguerdian, gurean burutzen den bilketa sistema esperientzia aurkeztuko du Usurbilgo Udaleko alkate ohi Xabier Mikel Errekondok. Gainera, Zero Waste Europeren kongresuan, Zero Waste sarean sartzeko eskaera egingo du Gipuzkoa Zero Zaborrek. Hona hemen hain zuzen, GZZ-ko web orrialdearen arabera, astebururako iragarri diren ekitaldien artean, irekiak izango diren hitzaldien berri:
Maiatzak 11 ostirala. Hitzaldi irekiak.
Donostia: Udaletxeko batzar aretoan 19:00etan.
Zero Zabor bidean – paradigma berria
Hizlaria: errekurtso naturalen eta hondakinen kudeaketan Dr Paul Connett, New Yorkeko Saint Lawrence University-ko Irakasle emeritua ingurumen kimikan eta toxikologian eta American Health Studies Project enpresaren lehendakaria.
Arrasate: Arimazubi Ikastolako Areto Nagusian 19:00etan.
Zero Zabor esperientzia Europan
Hizlaria: Joan Marc Simon, Zero Waste Europe koordinatzailea.
Maiatzak 12 Larunbata
Aiete Jauregiko Kultur etxean (Donostia):
10:00etan:
- Gipuzkoako Foru Aldundiaren harrera – Juan Carlos Alduntzin, Ingurumen eta Lurralde Antolamenduko Diputatua.
- 10 urrats Zero Zaborrera iristeko: udalentzako estrategia - Dr. Paul Connett.
- Gaikako bilketa selektiboa eta errefusa biologikoki egonkortzeko esperientziaren aurkezpena – Enzo Favoino, Iswa (International Solid Waste Association) enpresako tratamendu biologikoei buruzko lan taldearen lehendakaria eta ECN (Red de compastaje europea) enpresaren lehendakariordea. Scuola Agraria del Parco di Monza.
11:45etan atsedena
12:00etan:
- Italiako Zero Zabor udalerri baten esperientziaren aurkezpena – Rossano Ercolini, Zero Zaborri buruzko Ikerketa Zentroaren Koordinatzailea Capannorin eta Zero Zabor udalerrien elkarte italiarraren lehendakaria.
- Kataluniako Zero Zabor udal baten aurkezpena – Josep Lluís Moner, Iraunkortasunaren aldeko Institutuaren Koordinatzailea Bartzelonako Unibertsitate Politeknikoan eta Zero Hondakin Estrategia Katalanaren batzorde sustatzailearen kidea.
- Usurbilgo esperientzia, lehen pertsonan kontatua – Xabier Mikel Errekondo, Usurbilgo alkate ohia.
- Europako Zero Zabor udalen sarea osatzen – Joan Marc Simon.
13:30etan amaiera