Bihar, ekainaren 23a izango dugu, San Juan bezpera. Kalezar jaietan murgildua dugu eta egitarauaren baitan, urte luzeetako tradizioari jarraituz eskean irtengo dira bihar bazkalostean. Gaueko 22:00ak aldera San Juan sua piztuko dute. Kalezarretik kanpo, ospakizun ekitaldi gehiago deitu dira ordea. Batetik, Zubietan triki poteoa antolatu dute 19:30etan. Afaria 21:00etan, eta horren ostean sua piztuko dute.
Aginagarrentzat ere biltzeko hitzordua finkatu du. Antxomolantxa Elkartetik berri eman dutenez, gaueko 22:00etan piztuko dute San Juan sua, ohiko tokian, Sekaña inguruan.