Udarregi Ikastolako ikasleak joan den ostiralean murgildu ziren udako oporretan. Egunerokotasunea alboratu eta bestelako ekintzetan parte hartzeko aukera dute. Bai behintzat DBH ziklokoek, astelehen honetatik aurrera. 12-16 urte artekoentzat hain zuzen, datozen asteotarako ekitaldi sorta antolatu du Gaztelekuak. Lehen hitzordua gaurko. Imanol Agirretxerekin futbolean jokatzeko aukera izango dute DBH 3ko ikasleek. Hona hemen asteotarako egitarau osoa:
Ekainak 25, astelehena
17:00-19:00 Futbol partida Haranen, Imanol Agirretxe Realeko jokalariarekin. Nori zuzendua: DBH 3.
Ekainak 28, osteguna
15:45-19:30 Zarauzko hondartzara irteera. Nori zuzendua: DBH 1-2.
Uztailak 5, osteguna
10:45-19:00 Donostiara piraguismoa egitera. Nori zuzendua: DBH 2.
Uztailak 6, ostirala
11:00-19:00 Hendaiara irteera. Tren geltokitik hondartzara oinez. Nori zuzendua: DBH 2.
Uztailak 10, asteartea
11:00 Andatza irteera prestatu Gaztelekuan: janaria, kanpinga, guraso baimenak. Nori zuzendua: DBH 3.
Uztailak 12-13, ostegun eta ostirala
Andatzara irteera ostegunean 18:00etan. San Estebanen lo egin. Eta hurrengo egunean buelta, 14:00etan.
Uztailak 19, osteguna
10:45-19:00 Donostiarako irlara egun pasa. Nori zuzendua: DBH 1.
Uztailak 20, ostirala
11:00-19:00 Hernaniko igerilekura egun pasa. Nori zuzendua: DBH 1.
Uztailak 27, ostirala
16:00-19:00 Ur jolasak Artzabalen. Nori zuzendua: denentzat.
Uztailak 30, astelehena
17:30-19:30 Udako ekintzen argazkiak ikusi, Gaztelekua txukundu… Nori zuzendua: denentzat.
Txokoak Aginagan
Bestalde, txokoak antolatu ditu Antxomolantxa Elkarteak, egunotarako Aginagan. Goizez, 10:00-13:30 artean, eta ostiralera arte, Aginagako ludotekan ekintza desberdinetan parte hartzeko aukera izango dute, joan den larunbata baino lehen izena eman zuten haur eta gaztetxoek.