Santixabeletako Jai Batzordea azken aldiz bilduko da aurtengoz, gaur arratsaldeko 19:00etatik aurrera Potxoenean. Jaien aurretik antolakuntza lanetarako bilerak burutzen dituen moduan, Santixabelak igarota ospatu berri diren festen inguruko balorazioa egitea da astelehen honetako hitzorduko helburua, "ondo egindakoak mantendu eta hobetu beharrekoak bideratzea". Jai Batzordetik gaurko bilerari begirako eskaera bat luzatu die, Santixabeletako antolakuntza lanetan parte hartu duten herri eragileei; "egokia litzateke, egun horretarako, ahal balitz, diru-kontuak zuritzeko agiriak ekartzea".