Aurreko urteen ildotik, uda honetan ospatuko den Donostiako Musika Hamabostaldiko hitzorduetako bat Usurbilen antolatu dute, Usurbilgo Udalaren laguntzaz. Abuztuaren 5ean hain zuzen. Organo kontzertu bat izango da. Arratsaldeko 20:00etatik aurrera, Daniel Zaretsky organista errusiarrak emanaldia eskainiko du Salbatore Elizan. Sarrera doakoa izango da.
Musika Hamabostaldiko web orritik iragartzen ari direnez, "Hamabostaldian aurrenekoz, Errusiako organo-jotzaile garrantzitsu batek bere herrialdeko musika gerturatuko digu eta baita Frantzia nahiz beste estatu batzuetako egileena ere. Widor, Vierne, Mushel, Kushnarev, Gigout eta abarren lanak".