Ikasturte berriari ekin diote gaur Udarregi Ikastolan eta Usurbilgo Lanbide Eskolan. Zubietan kokaturiko ikastetxean atzo burutu zuten ikasturte berriko aurkezpen saioa eta gaur goizeko 8:00etan ekin diete klaseei. Udarregi Ikastolara aldiz, gaur itzuli dira DBHko ikasleak. Goizeko 10:00etan hasita aurkezpen saioa zuten. Datorren astelehenean, irailaren 10ean bueltatuko dira ikastolara, Haur Hezkuntza eta Lehen Hezkuntzako ikasleak. Goizeko 9:00etarako bertan egon beharko dute.
Astelehenean ekingo diete baita 2012-2013 ikasturte berriari, Zumarte Musika Eskolakoek. Irailaren 10erako finkatua dute aurten, itzulera eguna.