Santueneako festak hasteko hiru egun baino ez dira geratzen. Asteburu honi begira, Jai Batzordekoek prestatu duten egitarauan badira sarrera behar duten bi hitzordu; batetik, larunbat gauean ospatuko den herri afaria, eta baita bestalde, igande eguerdiko bertso bazkaria ere. Bi otorduotarako txartelak salgai daude Santuenean; Tragoxka tabernan, Ibai Ondo elkartean, baita jubilatuen tabernan ere. Aldez aurretik erosi beharko dira, ostegun hau baino lehen.
Aurten herri-afarian aldaketak txertatu dituzte antolatzaileek. Josune Aranburuk ezin izango du bertan egon. Horren ordez, pizgarri moduan, bertaratzen direnen artean opari bat baino gehiago banatuko dituen tonbola antolatu dute. Ekimena girotzen, herriko bi aktore gazte arituko dira.
Bertso bazkarirako berriz, Jai Batzordekoek lotua dute, ekitaldian nortzuk parte hartuko dute; Ane Labakak eta Beñat Iguaranek hain zuzen. Hona hemen, datozen Santueneko jaien egitarau osoa:
Irailak 21, ostirala
17:00 Txupinazoa eta txokolatada TRAGOXKA tabernan
Ondoren globo gerra.
18:30 Buruhandiak Zumartxan txarangarekin
19:00 Sardina jana IBAIONDOren eskutik
21:00 Musikarien afariak.
23:00 Kontzertuak: Desegin, Makulu ken, Laket.
Irailak 22, larunbata
11:00 Haur jolasak eta pintura lehiaketa
13:00 Buruhandiak
14:00 Haur bazkaria (norberak bere bazkaria ekarri , edariak eta postrea banatuko dira)
16:00 Mus txapelketa (15:30- 16:00 izen-ematea).
16:00 Haurrentzako puzgarriak (puzgarri,koltxoneta, kards...
17:30 Txokolatada Zaharren Egoitzan
19:00 Buruhandiak
20:30 Herri afaria eta Bingo herrikoia (dirurik gabe, opari ezberdinekin.....)
00:00 DJ VAN goizaldearte.
Goizaldean txokolatea txurroekin zahar egoitzan
Irailak 23, igandea
11:00 Toka txapelketa
12:00 Hamaiketakoa txoznan
14:00 Herri bertso-bazkaria
18:00 NESKA KABARET ikuskizuna ( magia, malabareak, trapezistak....)
Ondoren buruhandiak.
19:30 Piper jana IBAIONDOren eskutik
21:00 Jaien amaiera: traka eta suzko zezena
Oharra: Jai Batzordeak ez du jai hauetan gerta daitezken kalteen erantzukizunik hartzen