San Praixku egunez hasiko dira aurtengo Aginagako jaiak, eta San Praixku egunez ospatuko dira pala txapelketako finalak. Hauek dira lehia amaiera honetara heldu diren bikoteak, gizonezko eta emakumezkoetan:
Zaloa Leoz-Rosa Uribe
Aitziber Aranguren-Dolo Errasti
Gizonezkoen X. Pala Txapelketako finala:
Xabier Errasti-Jon Olaizola
Enrike Huizi-Imanol Esnaola
Final saioak, arratsaldeko 18:00etatik aurrera jokatuko dira, Aginagako frontoian, ezinduen erakustaldiaren ostean. Emakumezkoen pala txapelketak bigarren edizioa du aurten, gizonezkoena hamargarrenera heldu da. Aipatu moduan, azken pala neurketak etzi jokatuko dira, Aginagako San Praixku jaien lehen egunean. Hona hemen hain zuzen, aste honetarako Jai Batzordeak lotu duen festa egitaraua (ekitaldi gehiago, urriaren 12 eta 13koak, web orrialde honetako Agenda atalean ikusgai):
Urriak 4, osteguna: San Praixku Eguna
11:00 Meza nagusia bertsolariekin.
Ondoren, herriko jubilatuentzat itzelezko hamaiketakoa Aginaga Sagardotegian.
18:00 Frontoian giro ezin hobea.
Ezinduen erakustaldia.
Ondoren, Emakumeen pala txapelketako II. finala.
Gizonezkoen X. Pala Txapelketako finala.
Urriak 5, ostirala: Umeen Eguna
10:00 Haurren jolasei hasiera emango zaie.
13:00 Haurrentzako bazkari goxo goxoa (helduek eurena ordaindu beharko dute).
16:30 Puzgarri ezberdinak denontzako.
Jarraian, txokolate banaketa eta buruhandi bizkor bizkorrak.
22:00 Aginagako X. Txapelketako esku pilota finalak.
24:00 Eliza zarrean kontzertuak: Artobixar, Escandalo publico, Hotzikara.
Parranda ederraren ostean eguna argitzen ikustera… TIPI TAPA mendira!!
Urriak 6, larunbata: Oilasko Biltzaileen Eguna
06:00 Oilasko biltzaileen gosaria.
06:30 Oilasko biltzaileen irteera trikitilariez lagundurik.
20:00 URKO MENAIA Kantariarekin Euskal abestien emanaldia.
21:30 Herri afaria frontoian, arraunlariekin batera. ANIMATU!!!
24:00 Jalisko Band-ekin dantzaldia.
03.00 DJ Kankar Eliza zaharrean. Mugitu hankak eta gerriak!!!
Urriak 7, igandea
09:00 Tiro platoa.
18:00 Herrikoen herri kirolak: AGIÑA VS LASARTE. Zatoz animatzera!!!
Ondoren, sagardo eta sardin dastaketa bikaina.
Bitartean, XXX. Toka Txapelketa herrikoia.