Oraingoz behintzat lasai doa urriaren 21eko Eusko Legebiltzarrerako hauteskundeetako kanpaina. Bai behintzat, Usurbilen. Momentuz, EH Bildu koalizioa da ekimenak burutu eta hurrengo egunetarako hitzorduak finkatu dituen eragile politiko bakarra. Ondoko irudian, larunbat eguerdian, Kaxkoa eta Santuenea inguruak zeharkatu zituen bizikleta martxako irudia duzue. Datozen deialdiak, astebururako iragarri dituzte:
Urriak 12, ostirala
18:00-19:00 Sinadura bilketa.
19:00 Argazkia sinadura guztiekin.
20:00 Pintxo-potea (doainik) Aitzaga aurrean.
Urriak 13, larunbata
17:30 Ekitaldi nazionala Barakaldoko BECen. (Autobusa Usurbildik. Izen emateko: Txiribogan, Aitzaga tabernan eta elkartean).
Urriak 19, ostirala
19:00 Kanpaina amaierako ekitaldia.