Abiatzear den hezkuntza alorreko parte hartze prozesua zazpi saiotan banatua egongo da. Urriaren 24an hasi eta otsailaren 6ra arte luzatuko da. Bilkura guztiak, Potxoenean burutuko dira, arratsaldez, 18:30etan. Bi orduko iraupena izango dute saioek eta etorkizuneko hezkuntza eredu bateratua adosteko, hiru gai nagusi jorratuko dira. Honako hauek:
1-Egoeraren diagnostiko partekatua: 2 bilera.
2-Identifikatutako interes edo beharrei irtenbidea aurkitzeko aukera ezberdinen lanketa: 3 bilera.
3-Erabakitakoa martxan jartzeko eman beharreko pausoak zehaztu eta landu: 2 bilera.
Bilera irekiak
Interesdun herritar oro bertara daiteke bilkura hauetara. Bi ordu inguruko iraupena izango dutela aurreikusten dute Usurbilgo Udaletik. Egunotan burutuko dira:
-Urriak 24.
-Azaroak 7.
-Azaroak 21.
-Abenduak 5.
-Abenduak 19.
-Urtarrilak 23.
-Otsailak 6.