“Oria ibaia Usurbilen” izenburupean antolatu du Andatza Mendizale Elkarteak, II. Argazki Lehiaketa. Lanak aurkezteko epea ostegun honetan, azaroaren 15ean itxiko da, iluntzeko 20:00etan. Informazio gehiago: andatza.com
Mendi Astea
Oria ibaia ardatz duen txapelketako sariketa, azaroaren 30ean ospatuko da, Andatzak hilaren 27tik abenduaren 1era antolatu duen Mendi Astearen baitan. Ohi bezala, mendizaletasunari loturiko denetariko ekitaldiak tartekatu dituzte aurtengo egitarauan; mendiko segurtasunari buruzko hitzaldia, Andatzakoen bideo eta argazki emanaldia, irteera bat… Egunez eguneko ekitaldien berri, web orrialde honetako Agenda atalean.