Aginaga, Andatzpe, Mahaspildegi, Eguzki, Yoko Garbi, Aitzaga, Erroizpe, Peña Pagola eta Ibai ondo elkarteak urteroko mus txapelketako lehian murgilduko dira larunbat honetan, abenduaren 15ean. Urtero elkarte batek hartzen du ekimena antolatzeko ardura eta elkarte horretan bertan ospatzen da mus txapelketako finala. Aurten, Aginagako elkarteari egokitu zaio aipatu ardura. Bertan ospatuko da elkarteen arteko mus txapelketa, larunbat arratsaldeko 17:00etan hasita.