Goizeko giro goxoak herritar ugari erakarri zuen atzo ospatu den Santo Tomas azokara. Frontoi ingurua herritarrez bete zen eguerdi partean. Batzuk, sagardo lehiaketara aurkeztu diren usurbildar ekoizleen edariak dastatzera hurbildu ziren. Besteak, talo goxoak jaten izan ziren. Babarrun lehiaketara aurkeztutako ekoizleen produktuak ere ikusgai izan ziren. Mugimendua baita, Udarregi Ikastolakoen postre gozoen postuan, Kilometroak 2013ko antolatzaileek Dema plazan jarrita gunean, baita Herrirak ere Aitzaga ondoan kokatua zuen postuan ere.
Gaztainak izan dira aurtengo protagonista nagusietakoak. Herritar talde bat gaztainak banatzen aritu zen Dema plazan. Bestalde, aurtengo berrikuntza, gaztaina osagai nagusia zuen musak ere harrera ona izan zuen.
Edozein kasutan, eguneko arreta gune nagusia, frontoiko oholtzak bereganatu zuen, 13:00ak pasatxoan. NOAUA! Kultur Elkarteak, Sagardo Egunaren Lagunak, talogile, Udarregi Ikastola edota hainbat herritarren laguntzaz antolaturiko azokaren baitan, sagardo eta babarrun lehiaketetako sariak banatzeko unean hain zuzen. 150 euro eta txapela jaso dituzte, txapeldunek. 90 euro bigarren sailkatu direnek, eta 50 eurona hirugarren geratu direnentzat. Hauek dira, 2012ko Santo Tomas azokako sarituak:
SAGARDO LEHIAKETAN:
1-Joseba Zuloaga.
2-Mikel Rekondo.
3-Mila Aizpurua.
BABARRUN LEHIAKETAN:
1-Manuel Aizpurua.
2-Jose Kruz Matxain.
3-Juan Karlos Balerdi.