Larunbatean, urtarrilaren 5ean ospatuko den Errege Kabalgatarako izen ematea itxiko dute gaur Ziortza Gazte Elkartekoek. Interesdunek asteazken hau dute apuntatzeko azken eguna, ziortzage@gmail.com helbidera idatzita. Urtarrilaren bigarren egun honetara arte izena eman dutenekin, bilera egingo da bihar, iluntzeko 19:30etan Ziortzako egoitzan. Errege Kabalgata larunbatean ospatuko da. Meltxor, Gaspar eta Baltasar, iluntzeko 18:00etan abiatuko dira Urdaiagatik. Santuenea, Kalezar eta Kaxko inguruak zeharkatu ostean, 19:30ak alderako espero dituzte frontoian. Bertan burutuko dute, eguneko azken ekitaldia. Goizean, 11:30etatik aurrera, erregeen postariak haurren gutunak jasoko ditu frontoian.