Eguberriak atzean utzi eta normaltasunera itzultzeko egun gutxi falta dira jada. Urtarrileko aldapa deitu izan ziona hasiko da gero batentzat baino gehiagorentzat. Egunerokotasuna eramangarriagoa egiteko ordea, tailer edota ikastaro desberdinak antolatu dituzte herrian. Ekimen guztiotarako izen ematea irekita dago jada. Bada non aukeratua.
Coaching Tailerra
Nork bere sormena landu, pentsatu eta egiteko modu berriak ikasi eta dibertitzeko aukera eskaini nahi dute, Usurbilen antolatu duten Coaching Tailerraren bidez. Saioa urtarrilaren 19an burutuko da, 10:00-13:00 artean Potxoenean. Izena ordea aldez aurretik eman beharko da, 626 78 16 95 telefono zenbakira deituta edo a.talonvi@gmail.com helbidera idatzita. Ana Rodriguez adituak eskainiko du tailerra.
Ogia egiteko ikastaroa
Lehen ere antolatu izan dute, eta aukera berri bat eskaini nahi dute Usurbiltzenetik. Ogia egiten ikasteko saioa antolatu dute urtarrilaren 26rako. Tailerra, goizez burutuko da Agerialdeko jangelan; 9:30-14:00 artean. Interesdunek, izena aldez aurretik eman beharko dute, 608 566 683 (Beñat) telefono zenbakira deituta. Ikastaroko prezioa, 30 eurokoa da. "Ikastarotik ogi eder batekin itzuliko zara etxera!", berri eman dute antolatzaileek.
Erraldoi konpartsa
Bihar arte irekita dago, erraldoien konpartsan parte hartzeko izen ematea. 10 urtetik gora izan, eta datorren otsailaren 9an ospatuko den Inauteri Festan, erraldoiekin kalejiran atera nahi baduzu, deitu NOAUA!ra, 943 360 321 telefono zenbakira edo idatzi elkartea@noaua.com helbidera. Ikastaro bat antolatu da kalejira prestatzeko. Ikastaroa Usurbilgo Gaztetxean burutuko da.
Ahalduntze ikastaroak
Usurbilgo Udaleko Parekidetasun Sailak herriko emakumeei zuzenduriko ahalduntze ikastaro berriak antolatu ditu. Eguberrien ostean abiatu eta martxora arte luzatuko diren hiru ikastaro hain zuzen. Izen emateko deitu 943 371 951 edo 943 377 110 telefono zenbakietara, edo idatzi, parekidetasuna@usurbil.net helbidera. Ikastaro hauei buruzko zehaztasun gehiagoren berri, hemen:
-"Nire sexualitatea lantzen":
Astelehenetan 14.30-16.30, yoga lokalean.
Irakaslea: Elena Jimenez sexologoa.
Hasiera data: urtarrilak 14.
Hizkuntza: Euskara.
-"Ahalduntzea eta generoa":
Ostegunetan 14.30-16.30 yoga lokalean.
Irakaslea: Pepa Bojo psikologoa.
Hasiera data: urtarrilak 11.
Hizkuntza: gaztelania.
-"Gure emozioak lantzen":
Ostegunetan 17.00-19.00, yoga lokalean.
Irakaslea: Pepa Bojo.
Hizkuntza: gaztelania.
Esperientzia Eskola
50 urtetik gorako herritarrei zuzenduriko doako eskola dugu. Asteartetan izaten dira saioak, 16:00-18:00 artean Artzabalen. Informazio gehiagorako, deitu 646 098 753 (Garazi Elortza, Esperientzia Eskolako Koordinatzailea) telefono zenbakira. Eskolan parte hartzeko izena eman beharrik ez dago halere.
Ikastaro berriak Kiroldegian
Oiardo Kiroldegiak ikastaro berriak abiatuko ditu urtarrilean. Hauek dira, antolatu dituzten kirol ekintza berriak:
URTARRILETIK EKAINERA
-Yoga: astelehenetan: 9:00, 10:30, 14:45, 16:15.
-Ekialdeko dantzak: 10:45, 12:15.
URTARRILETIK MARTXORA
-Ur-lehor gimnasia: astelehen eta asteazkenetan, 15:00-15:50.
-Igeriketa helduentzako (zeharkaldiak egiteko entrenamenduak): astearte eta ostegunetan, 15:00-15:50.
-Lilaton lasterketa prestakuntza: urtarriletik lasterketa ospatu arte. Astelehen eta ostegunetan, 10:00-10:50 artean.
KzGunea
Urtarrilean zehar, goizez irekiko dute KzGunea, 9:00-13:00 artean. Hainbat ikastaro programatu dituzte (informazio gehiago: 943 023 684 edo tutor.usurbil@kzgunea.net):
-Urtarrilak 7-18: Kzgunea Internet ikastaroa.
-Urtarrilak 9: OpenOffice Writer: Oinarrizkoa.
-Urtarrilak 10: OpenOffice Writer: Aurreratua.
-Urtarrilak 11: OpenOffice Impress: Oinarrizkoa.
-Urtarrilak 17-25: Sare Sozial Ikastaroa.
-Urtarrilak 21: Bilatzaileak.
-Urtarrilak 28-29: Irudi digitalen tratamendua I.
-Urtarrilak 29: Gmail.
-Urtarrilak 30-31: Irudi digitalen tratamendua II.