Larunbatean ospatuko den Errege Kabalgatan antortxero gisa parte hartzeko asmoa izan eta atzora arte izena eman dutenekin bilduko dira gaur Ziortza Gazte Elkartekoak. Iluntzeko 19:30etan antortxeroen bilera deitu dute, gazteen bilguneak Kale Nagusian duen egoitzan. Bertan, etziko ospakizunetarako guztia prest utziko dute.
Errege Kabalgata larunbatean ospatuko da. Meltxor, Gaspar eta Baltasar, iluntzeko 18:00etan abiatuko dira Urdaiagatik. Santuenea, Kalezar eta Kaxko inguruak zeharkatu ostean, 19:30ak alderako espero dituzte frontoian. Bertan burutuko dute, eguneko azken ekitaldia. Goizean, 11:30etatik aurrera, erregeen postariak haurren gutunak jasoko ditu frontoian.