Haurren artean elikadura osasuntsua bultzatzea helburu duen filma programatu du Usurbilgo Udalak, iganderako, urtarrilaren 27rako. “Desioen arraina” proiektatuko dute Sutegin, arratsaldeko 17:00etatik aurrera. Ekitaldirako sarrerak 2 eurotan erosi ahal izango dira, egunean bertan. 74 minutuko iraupeneko ikus-entzunezkoa, Gorka Vazquez eta Ivan Onekak 2011n zuzendutako animaziozko azken lana da. Opil izeneko mutikoa da film honetako protagonista. Arraina jatea gorroto du eta honen aurrean, zabor-janaria irensteari uzteko jaki berezi bat prestatuko dio amak: desioen arraina. Bere eginkizuna lortzeko, protagonistak estralurtarren aurka borrokatu beharko du.