Usurbilen gaur burutzen ari diren hitzaldi eta tailerretako ardatzetako bat hartuta, jardunaldi eguna antolatu du Usurbiltzenek otsailaren 2rako. "Usurbil, elikaduran ere burujabe?" galderaren inguruan, egun osoko topaketak lotu dituzte Sutegin. Goizeko 9:30etan hasi eta arratsaldeko 18:00ak aldera arte luzatuko dira. Ekimena parte hartzailea eta bizia izango dela iragartzen dute antolatzaileek. Hala behar izanez gero, haurrak zaintzeko zerbitzua ere egongo da. Izen ematea ireki dute, 618 868 188 telefono zenbakian. Email bat ere bidali liteke, usurbil.elikadura@gmail.com helbidera.
Usurbiltzenek duela gutxi eginiko ikerketa baten arabera, "nahikoa genituzke 55 hektarea lur modu egokian lantzea Usurbilgo herritar guztiak elikatzeko. Eta lurra soberan dugu". Zehaztasun gehiago, datozen egunotan.