Andatzamendizale.info web orrian jaso dituzte antolatzaileek, atzo ospatu zen Irisasi BTT "Hotzak akabatzen" 2013 probako argazkiak. Iaz ez bezala, giro aldetik baldintza hobeagoetan parte hartu ahal izan zuten txirrindulariek.
Batzarra ostegunean
Bilgunearen egoeraren berri eman eta egitasmo berriak aurkezteko bilera deitu du Andatza Mendizaleen Kirol Taldeak, ostegun honetarako, urtarrilaren 31rako. Hitzordua, iluntzeko 19:00etarako finkatu dute Artzabalen. Hiru puntu tratatuko dituzte aipatu batzarrean. Honako hauek:
1-2012. urteko kontuen aurkezpena eta memoria.
2-2013. urterako egitasmoak.
3-Galderak eta eskaerak.
Deba-Zumaia, urteko lehen txangoa
Andatzakoek aurreratu dute bestalde, hilero antolatu ohi dituzten irteeren artean, 2013ko lehenengoa zein izango den. Debatik Zumaiara arteko ibilbidea osatzea proposatzen dute, otsailaren 10ean. "Goizeko 8:00etan trena hartu Debaraino eta kostako bidetik flishak ikusiz Zumaiara iritsi, berriro trenean Usurbilera itzultzeko", zehaztu dute.