Larunbatean ospatuko den Inauteri Festako bazkaritarako sarrerak erosteko azken eguna izango da biharkoa. 18 eurotan eskura daitezke, NOAUA!ko egoitzan, Irratin eta Txiribogan. Olarrondo jatetxean ospatuko da bazkaria, larunbat eguerdiko 14:00etatik aurrera. Otordura mozorrotuta joatea ezinbestekoa izango da.
Hona hemen, Usurbilen ospatuko diren 2013ko inauterien egitarau osoa:
Otsailak 8, ostirala
10:00 LH-koen desfilea, “Martxa” dantzatuz.
11:15 Udarregi Ikastolako HH, LH eta DBHko ikasleen ikuskizuna Oiardo Kiroldegian.
Antolatzailea: Udarregi Ikastola.
Otsailak 9, larunbata
12:30 Zumartxan txarangarekin kalejira.
14:00 Bazkaria Olarrondo jatetxean. Txartelak salgai: 18 eurotan, NOAUA!n, Irratin eta Txiribogan.
17:00 Erraldoien kalejira dultzaineroekin, Usurbilgo Gaztetxetik abiatuta.
19:00 Burrunbazale txarangarekin kalejira.
Antolatzaileak: NOAUA! Kultur Elkartea, Usurbilgo Gaztetxea, Erraldoien Konpartsa.
GAZTELEKUAN
16:00 Prix Handia lehiaketa DBH 1eko gazteentzat: musika, jolasak, frogak eta apustuekin!
17:30 Dantzaldia denentzat.