Alerta egoeran egongo gara berriz, gaur arratsaldeko 18:00etatik bihar gauerdira arte. Alerta horian hain zuzen, 24 orduko tartean metro karratuko 60 litro baino gehiago pilatzeko arriskua baitago, "probabilitate txikia" edozein kasutan, Euskalmet-en arabera. Haizeguneetan 100 kilometro orduko abiadura edota haizegune ez diren tokietan 60-70 kilometro orduko haizeteak espero direlakoan, alerta horia jarri du baita Euskalmet-ek, gaur arratsaldeko 18:00etatik gauerdira arte. Hori gutxi ez eta gaur gauean ekaitza eta txingorra egiteko "probabilitatea handia da" ipar parte honetan.
"Gauean euritara joko du iparraldean, orduan trumoi-ekaitza eta txingorrarekin batera. Arratsalde-gau partean haizea nabarmen zakartuko da eta tenperaturak behera egingo du", dio euskal meteorologia agentziaren iragarpenak.
Alertan ostegunera arte
Bihar, "negua bete betean. Zaparradak sarri botako ditu eta tarteka handiak izango dira, noizbehinka trumoi-ekaitza eta txingorrarekin batera; iparraldeko eskualdeetan prezipitazioa ugaria izango da. Tenperaturak nabarmen egingo du behera eta giroa oso hotza izango da; elur-kota 600-700 metrora egongo da. Ipar-mendebaldeko haizeak gogor joko du edonon, baina haize boladarik handienak Ebro haranean eta kostaldean espero dira", adierazi dute Euskalmet-etik.
Egoera honetan, alerta horian jarraituko dugu bihar egun osoan, metro karratuko 60 litro baino gehiago pilatzeko arriskua baitago, "probabilitate txikia" halere. Goizeko 6:00etatik gauerdira gainera, 80 edota 100 kilometro orduko haize boladak izateko arriskuagatik ere alerta horian egongo gara bihar. Eta itsasoan alerta naranjan izango dira egun osoz.
Ostegunerako baretze aldera egingo omen du eguraldiak. Informazio eguneratua, euskalmet.net web orrialdean.