Euskal Herriko zonalde gehienetan alertan jarraituko dute gaur elurragatik, gurean ez. Amaitu da, asteburuan mendi gainak zuritu dituen ekaitza. Euskalmet-etik diotenez, "goizean elurrak 200-300 m-tik gora zurituko du. Zerua oso hodeitsu egongo da eta zaparradak botako ditu, sarriago kantauri isurialdean, gainera zaparrada trumoitsuak eta kazkabarra bota ditzake tarteka. Elur-kota 200-300 m inguruan egongo da goizean eta goizak aurrera egin ahala igo, eta 500-600 m-ra egongo da arratsaldean. Haizea ahul eta norabide jakinik gabe ibiliko da. Giro hotza izango dugu gaur ere: maximoak barnealdean nekez pasatuko dira 3-4 ºC-tik eta 6-8 ºC-tik kostaldean. Barnealdean izotza egingo du".
Bihar eta etzi halere, alerta horian izango gara berriz, "muturreko tenperatura baxu eta izotzagatik". "Kostaldean izotz txikia egingo du", diote Euskalmet-etik. Gainerakoan, bihar arratsaldetik aurrera eguraldiak hobera egingo du. Informazio gehiago: euskalmet.net