Itoitz Rodriguez Errondosoro usurbildar atleta gazteak hainbat garaipen lortu ditu azken aldian. Otsailaren 9an, 400 metrotako proban txapeldun amaitu zuen Zaragozan. Bertan, Madril, Aragoi, Nafarroa, Gipuzkoa edota Gaztela-Leongo kirolariak lehiatu ziren.
Joan den asteburuan bestalde, Itoitzek Espainiako Jubenilen Txapelketan parte hartu zuen, pista estaliko modalitatean. 400 metrotako lasterketan, hirugarren amaitu zuen finalerdian. 51:21 denbora egin zuen, bere orain arteko marka onena. Finalean berriz bosgarren postuan sailkatzea lortu zuen. Denbora: 51:44. Aipatzekoa da, Itoitz jubenil mailako lehen urtean dela. Udan Durangon ospatuko den Espainiako Txapelketan parte hartzeko gutxieneko denbora lortua du.