LOMCE zer den, legedi berriak ekarriko dituen ondorioak, eta horren aurrean eman beharreko erantzunaren inguruko informazioa zabaldu asmoz, hitzaldia antolatu du EH Bilduk gaurko, martxoaren 18rako, 19:00etan Potxoenean. Ruben Iglesias arituko da gobernu espainiarrak bultzaturiko hezkuntza erreforma berriari buruz hizketan. Herritarrei bertaratzeko gonbita luzatzen diete antolatzaileek: "Usurbildar guztioi dei egiten dizuegu hitzaldi honetara gerturatzeko. Gure seme-alaben etorkizuna jokoan dago".