Hemen dugu maiatzeko lehen igandea, Andatzara igotzeko eguna. Hilaren 5ean ospatuko da aurten. Ekimena, Andatza Mendizale Elkarteak eta Usurbilgo zein Zizurkilgo Udalek elkarlanean antolatu dute. Goizeko 11:00etatik aurrera erromeri giroa nagusituko da bertan. Ohi bezala, jan edana ez da faltako. Ia eguraldiak eguna behar bezala ospatzen laguntzen duen. Andatza Eguneko egitaraua duzue hauxe:
Goizean zehar, erromeria: trikitilariak eta bertsolariak.
11:00 Hamaiketakoa: salda, txorizoa, haragi egosia eta edaria.
12:00 Herri kirolak eta jokoak haurrentzat eta helduentzat.
14:00 Bazkaria (norberak berea eramanda). Kafea eta kopa banatuko dira.
Antolatzaileak: Zizurkilgo Udala, Usurbilgo Andatza Mendi Elkartea eta Usurbilgo Udala.