Euskararen erabileraz hausnartzera bultzatuko gaituen emanaldia antolatu du Udarregi Ikastolak, Ikastola Egunaren bezperatarako, maiatzaren 31rako. "Euskararen espektakulue" izeneko bakarrizketa saioa hain zuzen, gaueko 22:00etatik aurrera Sutegiko auditorioan. Oihan Vega irrati esatari eta telebistako aurkezle ezaguna igoko da kultur etxeko oholtza gainera. Bakarrizketa saioa, musika, kantu eta zineaz lagunduta eskainiko du. Ekitaldirako sarrerak aldez aurretik eskura daitezke, 2 eurotan Bordatxo tabernan. Edo emanaldi egunean bertan, 4 euroren truke.
Hauxe, "Euskararen espektakulue" saioari buruzko sinopsia: "Zergatik praktikatzen dugu sexua erdaraz? Nork daki euskaraz iraintzen? Eguneroko bizitzan, zergatik jotzen dugu horrenbeste erdarara? Umorea eta sarkasmoa erabiliz, euskararen erabileraren inguruko hausnarketa egitera gonbidatzen du Oihan Vegak bakarrizketa dibertigarri eta ironiko honekin, musikaz, kantuez eta zineaz lagunduta. Etengabe bilatzen du publikoaren parte hartzea, galdera zuzenak eginez eta jendearen artean giro ona eraikiz, elkarrekin, umorearen bitartez, euskarari buruzko gogoeta egiteko. Erritmo biziko antzezlan fresko eta ulerterraza da. Euskararen Espektakuluek ez du inor axolagabe utziko. Eta batez ere, une dibertigarri eta barregarri bat igarotzeko aukera aparta eskaintzen du bakarrizketa honek".
Aurretik, jokoak, txokolate jana...
Hurrengo asteko emanaldi aurreko orduetan, maiatzaren 31n, arratsaldez, Ikastola Egunari loturiko ekitaldi gehiago antolatu dituzte. Jokoak, txokolate jana, buruhandi desfilea... Honatx hitzorduon ordutegiak:
17:00-18:15 Haurrentzako jolasak, Gaztetxekoen laguntzarekin.
18:15-19:00 Txokolate egin berria haurrentzat.
Ondoren, buruhandi txikien desfilea (haurrek etxetik ekar ditzakete dituzten buruhandiak).