Jaso berri dugunez, Usurbil Kirol Elkarteak batzarra deitu du larunbat honetarako, ekainaren 15erako. 50 urte betetzear dituen eskubaloi taldeen bilguneak, goizeko 11:00etarako jarri du hitzordua Sutegin. Kirol elkarte honi loturiko beste albiste bat: igandean, ekainaren 16an, kadeteen mailako Euskal Selekzioak Errioxaren aurka Oñatin jokatuko duen partidan parte hartzeko deitu dute, eskubaloi jokalari usurbildar bat; Leire Furundarena.
Ate joka dugun asteburuari begira, badira kirol ekimen gehiago ere: Itayak eta Usurbilgo Gaztetxeak antolaturiko futbito txapelketaren 8. jardunaldia jokatuko da gaur. Bihar eta etzi, Usurbilgo Pilota Txapelketako final laurdenak. Bi txapelketok Santixabelen bueltan amaituko dira:
FUTBITO TXAPELKETA: 8. JARDUNALDIA
Ekainak 14, ostirala
21:00 Basagoiti lehendakari-Bostok. Epaile lanetan: Toka y te bas.
21:45 Schalke temeto-Sex on the beach. Epaile lanetan: Basagoiti Lehendakari.
22:30 Irrati-Catenazzio. Epaile lanetan: Sex on the beach.
23:15 Hugh Hefner-Ganbara. Epaile lanetan: Irrati.
00:00 Toka y te bas-Senden. Epaile lanetan: Hugh Hefner.
Tokia: frontoia.
Oharrak:
-20:30tako Basagoiti Lehendakari eta Bostok porteriak eta marrak jartzera azaldu beharko dute.
-Partidak bukatzean Toka y te bas eta Senden taldeek porteriak eta marrak jaso beharko dituzte.
USURBILGO XXXXI. PILOTA TXAPELKETA: AZKEN LAURDENAK
Ekainak 15, larunbata
Ordua: 11:00.
Tokia: frontoia.
NAGUSI MAILAN
Loitegi-Gurutzealde (Urnieta) - Belloso-Agirre (Tolosa)
Santxo-Urruzola (Usurbil) - Jaunarena-Larraia (Leitza)
Ekainak 16, igandea
Ordua: 11:30.
Tokia: frontoia.
NAGUSI MAILAN
Diaz de Heredia-Kandela (Gasteiz) - Espinal-Medina (Doneztebe)