Sariketan parte hartzeko aukera zabalik dago jada. Parte hartzaileen artean, epaimahaiak hautaturiko lan saritua, aurten astelehenez, uztailaren 1ean gaueko 22:30etatik aurrera frontoian ospatuko den bertso saioaren amaieran emango dute ezagutzera. Ekimenean parte hartzeko baldintzak, aurreko urteetakoak dira:
-Epea: ekainak 27, osteguna.
-Usurbildarra izatea.
-6-10 bertso artean idaztea.
-Gaia librea.
-Lanek inoiz argitaratu gabeak izan beharko dute.
-Lanak helbide honetara bidali: XXXVII. Bertsopaper Lehiaketa, Joxe Martin Sagardia Enparantza, 20170 Usurbil.
Lekurik erromantikoena marrazteko aukera
Datozen jaietan izango diren hitzorduen artean, klasiko bat. Hamaikagarren ediziora heldu den 2-16 urte artekoei zuzenduriko Pintura Lehiaketa. Parte hartzeko gogoz denak, pentsatzen hasi dadila zer marraztu nahi duen. Eta ekainaren 29an, goizeko 10:30etatik aurrera frontoian ospatuko den txapelketara gerturatu eta parte hartu, ez dago beste egitekorik. Marrazki onenen artean, hamaika sari banatuko dira.