Auzoko jaietarako aste eta erdi falta den honetan, ikasturte berria abiatzeko pailazo emanaldia antolatu du Santuenea Elkarteak. Ostiralean, irailaren 13an, Markeliñe taldekoek, “Zoo-zoom” lana antzeztuko dute arratsaldeko 17:00etatik aurrera. Ondoren, txokolate gozoa dastatzeko aukera egongo da.
Santueneako jaien atariko ekitaldia izango da hiru egun barrurako antolatu dutena. Irailaren 20tik 22ra ospatuko dira auzoko festak. Egitarau osoa, hemen:
Irailak 20, ostirala
17:00 Txupinazoa txosna aurrean eta txokolatada Tragoxkan.
Ondoren globo gerra.
18:30 Buruhandiak eta txaranga.
19:00 Sardin jana.
23:00 Kontzertuak: Artobixar, EH Sukarra eta Joxpa.
Irailak 21, larunbata
11:00 Haur jolasak eta pintura lehiaketa.
13:00 Buruhandiak.
14:00 Haur bazkaria (Norberak bere bazkaria ekarri eta edariak eta postrea bertan banatuko dira).
16:00 Mus txapelketa (15:30-16:00 izen ematea).
16:00 Haurrentzako puzgarriak.
17:30 Txokolatada Zaharren Egoitzan.
19:00 Buruhandiak.
20:30 Kantu afaria Josune Aranbururekin.
00:00 DJ Van.
Irailak 22, igandea
11:00 Toka txapelketa.
12:00 Hamaiketakoa txosnan.
14:00 Herri bazkaria.
18:00 Hipo eta Tomax pailazoak.
Ondoren buruhandiak.
19:30 Piper dastaketa.
21:00 Festen amaierako traka.