Pertsonak lehenetsi, ama lurra zaindu, gure kultura sustatu eta askatasuna eta parte hartzean oinarrituriko erabakiak hartzen jarraitu asmo dutela azaldu zuten astelehenean Potxoenean, Usurbilgo EH Bilduko ordezkariek 2011-2015 legegintzaldiko lehen bi urteak baloratzeko deitu zuten batzarrean. 2011tik hona eginikoaren balantzea aurkeztu zuten, baita datozen urteotarako lan ildo nagusiak ere. Zehaztasun guztien berri, http://usurbil.ehbildu.net/2013/09/17/usurbilen-ere-eraldaketa-martxan/ helbidean.
Lan ildoen artean, besteak beste, etorkizunerako lehentasun hauek finkatu ditu Usurbilgo EH Bildu. Honatx urteotarako, koalizioak aurkeztu duen agenda:
-Eskualdea: Tokiko garapen integrala bermatzeko egitura egonkorra osatu eta martxan jartzea.
-"Ongi etorri" protokoloa osatzea: migrazioa eta aniztasunari lotutakoa.
-BOE etxebizitzak bultzatzea, "behar diren neurrian".
-Hondakinen kudeaketa: sortzez besteko ordainketa aplikatzea.
-Nekazaritza eta bertako produktuen kontsumoari bultzada ematea, 3. sektorea eta herriko merkataritzarekin elkarlanean.
-2014an, Hirigintza Plan Orokorra lantzeko prozesua egitea.
-Kultura: 2011/16 Plan Estrategikoaren garapena.
-Hezkuntza proiektua osatu eta garatzea.
-Parekidetasun Kontseilua indartu eta sustatzea.
-Demokrazia parte hartzailea sustatzea.
Irudia: Usurbilgo EH Bildu.